Напярэдадні вырашыла пабалаваць усіх невыданымі фоткамі мінулых год.
Ужо зараз хачу падзякаваць арганізатарам, асаблівая падзяка . Кожны год - новыя ідэі і новыя фішкі у, падавалася б, і без таго прадуманым да дробязяў мерапрыемстве! Гэта найлепшы штогодні баркэмп, які мог быць у беларусаў, дзякуй!!! 🙂
Па-першае, кожны раз месца правядзення трымаецца ў таямніцы, але кожны год нас прывозяць... да мора! 🙂 Па-другое, у мінулы раз усім на вакзале Вільні раздалі бясплатныя сімкі з мабільным трафікам, каб мы сталі твіціць-посціць фоткі ўжо ад моманту сустрэчы! А ў гэтым годзе прыдумалі , я ў захапленні і ў чаканні чарговага квэсту! Верагодна, баркоды і тві-імёны будуць на бэджах удзельнікаў.
Трэці раз ужо стане традыцыйным марскім "адкрыццём сезона" для многіх беларускіх і ня вельмі блогераў, падкасцераў, дызайнераў, праграмістаў, прадстаўнікоў інтэрнэт-СМІ і спецыялістаў па новых медыях. Тут можна знайсці партнёраў для будучых сумесных праэктаў, тут можна знайсці працу, можна знайсці чалавека сабе ў каманду, можна наслухацца цікавых прэзентацый, атрымаць важную інфу "з першых рук", задаць пытанне экспертам у жывой дыскусіі, пачуць і быць пачутым. Асноўная прыемнасць такога фармата мерапрыемстваў - гэта вольны графік, кава-зона і вай-фай. Вы самі складаеце сабе графік прэзентацый, якія вам цікава наведаць, ніхто вас не ганяе, не "адзначае", не адсочвае. Можна хоць цэлы дзень сідзець у кава-зоне, вылоўліваць цікавых вам людзей на прыватныя размовы ці інтэрвію - усё на ваша сумленне. Але, паверце, калі вам не спадабаўся баркэмп - вінаваты вы самі, таму што кожны складае свой уласны пазл з прэзентацый-дыскусій-пасідзелак-нічоганераблення, а матэр'ял гэтага пазла даюць для кожнага з нас арганізатары. Кожны бярэ столькі, колькі ў сілах і ў настроі ўнесці 😉
