Шчыра кажучы, не скажу, што да канца дагэталь зразумела ўсю глыбіню справы вакол Pussy Riot: ну, праспявалі ў царкве, ну, люта-бешаная РПЦ не проста не заступілася, але нават і наадварот. Ну, як правільна сказала прадстаўніца Amnesty International, гэта — «дзіцячы выбрык», які нікога не параніў/не забіў/не скалечыў і за яго садзіць на 2 гады — проста абсурдна. З іншага боку, паглядзела б я на іх каталікоў і ўладу, калі б падобнае адбылося ў любым з мясцовых касцёлаў. Нешта я сумняюся, што ў якой кольвек рэлігійнай краіне гэта б спісалі за «дзіцячы выбрык»… У сітуацыі Расіі, канешне, грамадствам гэтыя выхадкі можна дараваць і прабачыць, але ТОЛЬКІ з агаворкай на тое, што гэта ўжо апошні крык аб дапамозе, маўляў, Багародзіца, ну калі ласка, ну прагані!…
