цягнік да ст. Мост
Паглядзела на цырк знутры + зняла відзюшкі з самаго судовага працэса. Паказанні давалі бугаі з міліцыі, а затрымліваў - АМАП. Ну, хаця, што ўжо мяне дзівіць? Проста глядзіце самі. Соры за якасць відэа, здымала патаемна, бо баялася, што запаляць і выганяць.
Суддзя. Ёй аддаюць усіх "палітычных".
Я паглядзела, як бурна абмяркоўваюць Гомель у соцсетках і падумала: "А халера з ім, з гэтым трафікам, залью ўсё відэа да канца!" :). Учорашні пост з фоткамі і першым відэа - тут.
Мальчыкі і дзевачкі. Я ржу ў голас. Прабачце мяне, калі ласка, мой мозг роўным слоем размазаны па сценах. Я не пайду спаць, пакуль вы ўсе гэта не паглядзіце.
Кожнаму Гітлеру свой Рэйхстаг...
Такая ж спустошанасць, як і падчас падзеяў падчас выбараў... Падчас мінулых нават было нейк лягчэй, можа гэта таму, што я не прапускала праз сябе ЎСЮ інфармацыю па тэме з інтэрнэта. А зараз зноў на мяне наваліўся адчай, прымагнічанасць да манітора, не магу вучыцца, манітору падзеі па 15 гадзін на суткі...
Не буду наводзіць тут глыбокі аналіз падзеяў, тошна ўжо ад аналітыкі і ад ўсяго гэтага цырка. Усю графіку, якую варта вам паказаць, я збіраю , а вось - нечаканае відэа ад звычайнага беларуса, такога, якія па вуліцах ходзяць... Глядзець цалкам.
Проста чароўна! Глядзіце, для панядзелка відэа - самае яно!
Учора стала лаўрэатам у намінацыі "Лепшае відэа" за "Пагоню International". Дзякуй усім за віншаванні і падтрымку!
Што тычыцца ўражанняў пра само мерапрыемства, то гэта было да такой ступені no comments, што тут ужо або добра, або ніяк, бо не хочацца крыўдзіць арганізатараў, тым больш бачна было, як яны стараліся... Але так як мне хочацца, каб прэмія стала сапраўды класным мерапрыемствам, то я выкажуся.
Быў у Дэлі такі файны мэн Торрэс з Аўстраліі, з гітарай і цудоўным голасам, які ўдзельнічаў ва ўсемагчымых выступленнях і падыгрываў усім камандам "пявуноў" з усіх кантынентаў. У апошні дзень нарэшце былі запісаныя некаторыя са спеваў, у тым ліку і ягоная песня "Talkin bout a revolution". Гэтая песня асабліва актуальная была падчас #electby, але і зараз гучыць таксама оооок.
Так!!!
Тут не будзе крутых фотак, але тут будзе ўсё, што я бачыла. У гэты раз у мяне не было шанцаў быць паўнавартым удзельнікам марша пратэсту, бо маім галоўным абавязкам на працы была інфармацыйная падтрымка і онлайн-асвятленне выбараў праз сацыяльныя сеткі . Прыйшлося ахвяраваць сваім жаданнем быць на Плошчы, здымаць відэа-, фота і- гука-рэпартаж у імя Інтэрнэту. Так як наш сайт моцна блакавалі, а таксама блакавалі жывы эфір, прыйшлося кінуць усе сілы на тэкставае суправаджэнне кожнага нашага слова ў эфіры ў твітэры, кантакце і фэйсбуку, а таксама ў розных іншых сацыяльных сетках, якія адкрываліся на гэты момант у Беларусі. Як вы ўсе ўжо напэўна ведаеце, інтэрнэт блакавалі цягам усяго дня, ночы, а таксама наступнага дня пасля выбараў.
Адзіны момант, калі мне ўдалося глытнуць таго свабоднага паветра і пабываць сярод шчаслівых людзей на Плошчы - гэта калі мы з рэдактарамі вырваліся на гадзінку праехаць на машыне, зняць панараму Кастрычніцкай, аўтазакі за палацам рэспублікі, а таксама выйсці і прайсці кароткі шлях ад Кастрычніцкай да Незалежнасці па перакрытым людзьмі праспекце, пабачыць гэтыя дзесяткі тысяч людзей, зрабіць фота і відэа. Нажаль, самых шыкоўных фотак з відам на бяскрайні натоўп грамадзян, пабачыць не ўдасца, бо ў самы адказны момант я крутанула калёсіка рэжымаў на камеры і не паглядзела на прэўюшкі фотак - ужо ў офісе зразумела, што ўсе кадры атрымаліся чорнымі :( Затое гэты натоўп ёсць на відэа. Таксама на відэа ёсць разбіты аўтобус Някляева. Карацей, глядзіце самі. Жыве Беларусь. Веру, ганаруся, спачуваю, спадзяюся. Трымаемся разам!
