Архіў па тэгу ‘надвор’е’
04
Сак
2010
Сак
2010
26
Сту
2010
Сту
2010
Пакарміце качак!
Сёння ішла ад Моладзевага тэатру ў бок Траецкага, натыкнулася на такую жаласьлівую карціну: цёплы вадасток (ад хлебазаводу, я так мяркую) і з сотню качак уперамешку з кірлямі ды галкамі. І дзьве кралі падыйшлі да ракі раней за мяне, ну, я думаю, зараз карміць будуць. Хрэн там! Сталі і фоооотаюць, панімаіш, на мабілкі. Цьфу на такіх :( Я скарміла ім бублік. Але што гэты бублік на такі натоўп лапчатакрылых? Яны ж галодныя як ваўкі зараз… Заўтра з батонам схаджу) Далучайцеся! :) У нас – лядоўні з хаўчыкам і цёплыя боты, а ў іх – вада з вадастоку і лапы на лёдзе :(
21
Сту
2010
Сту
2010
Вось такое менскае неба…
Сёння быў вельмі прыгожы марозны дзень. А пад вечар – дзіўнае паласата-самалётнае неба :)
04
Ліс
2009
Ліс
2009
Кіеў. І нават болей.
Дайшлі рукі да фотак з Кіева. Ня тое, каб я там ніколі не была і ў гэтых фотках вы пабачыце прыгожы горад і залатую восень… Не, тут нешта іншае. Тут чарговы позірк на даўно знаёмы горад, тут мой current mood, тут першая наша сумесная вандроўка з мамай…
Упершыню я сустрэлася з Кіевам, калі мне было… ці тое 17, ці тое 18. Я вандравала аўтастопам, я была такая шчасьлівая, як гэты горад у любы сезон года. Сонечны горад, сонечныя людзі, сонечныя ўспаміны. Амаль усе. А тыя, што цяпер выглядаюць ня вельмі сонечнымі… я ў гэты раз прабачыла яго за тыя усе тыя нашыя непаразуменьні.
31
Кас
2009
Кас
2009
Менск. Чакаем на сьнег…
Карціна за вакном, 10 хв. таму. На вялікім экране выглядае яшчэ больш трагічна, чым у такім відзе. Дзіўны вечар, дзіўны дзень, дзіўна ўнутры. Горад набраў паветра ў грудзі перад першым радасным крыкам: “Сьне-е-е-ег!”. Кажуць, першы сьнег у Менску ўжо быў. А я ня веру. Я хварэла ў той час. На зямлі яго не ляжала. Не было сьнегу. Не бы-ло! Зімы не будзе? Будзе, яшчэ якая. Радуе, што пройдзе хутка і закончыцца раптоўным летам. Ужо лічу дні і хвіліны.
Я хачу на Вялікі Бар’ерны Рыф і ў Ісландыю. А вы?
26
Кас
2009
Кас
2009
Нядзеля ў Кіеве
Раптоўна вырашыла выправіць хібы папярэдніх выходных, зьвязаныя з дурацкай тэмпературай і ляжачым рэжымам, за 20 хвілін да адпраўленьня цягніка ўзяла квіток і паехала ў Гомель. Там мяне сустрэла маці і мы не заходзячы дадому пайшлі і набылі квіткі да Кіева на нядзелю. Зноў прайшла ўсе ўжо такія добра забытыя пачуцьці хваляваньняў перад падарожжам, нэрвовых “падаецца, мы нешта забылі!” і “ну, пасідзім на дарожку!” – апошні раз маці была ў Кіеве, калі ёй было меней, чым мне, ажно 26 год таму!
Чытаць далей »
04
Жні
2009
Жні
2009
ФотаТурцыя. Караблі-паруса!
Тут будзе мала пісаніны, шмат сіневы розных адценняў. Марскі дзень: карабельны шпацыр “12 выспаў”!
20
Чэр
2009
Чэр
2009
Канцэрт у Мірскім замку мінулай ноччу (+гук!)
Пра тое, якім чынам я аказалася ўчора а поўначы не ў ложку, а ў Міры на полі, залітым брудам і вадой: фотахістарі. Плюс падкаст ХОТ з месца падзеяў ;) Ведаеце, браты ды сестры, штосьці мне ўжо надакучыла паўтараць святую ісціну, але больш на афіцыйныя “празднікі” і ўсё спалучанае – НУ ЯГО НАФІГ!!! Воплі былі харашы, а вось уся гэтая п’янь навокал настрой катэгарычна не падымала…
Яшчэ адно прыкольнае назіранне: канцэрт-та не бясплатны быў, а за грошы. Ну, гэта для тых, хто хацеў прабіцца на танцпол. І менавіта там БТ і здымала шчасьлівыя п’яныя пысы для справаздачнасці, што ўсё было зашыбісь і крута. Ніфіга яно не было ні так, ні гэтак. Цьфу. Мантра “я люблю сваю краіну” пачынае губляць сэнс пасля такіх відовішчаў… Хаця… напэўна, ня толькі ж у нас такая жэсьць, праўда?…
18
Чэр
2009
Чэр
2009
Срэбныя аблокі над Менскам
Учора надвячоркам на усходнім небе віселі вельмі яскравыя і светлыя срэбныя аблокі. Апошні раз удалося пабачыць такую прыгажосьць і маленькі цуд прыроды з год таму падчас чампіяната сьвету па футболе. Сорі за якасьць – 3 мп у крамешнай цемры :( Пад катам – лепшыя, мінулагоднія.
Што гэта за аблокі? Гэта ўзважаныя вееельмі высока ў атмасферы метэорныя часцінкі, пакрытыя лёдам, якія іянізуюцца і свецяцца самастойна, без сонечнай падсветкі. Звычайна яны назіраюцца на шыротах 45o – 65o з красавіка па кастрычнік і з’яўляюцца індыкатарам лакальных змяненняў магнітнага поля. Яшчэ ёсьць меркаванні, што яны з’яўляюцца як сігнал паляпшэння надвор’я. Дружна скрыжуем пальцы :)
