Chris

Праз тры гадзіны... будзе гадавіна разгону намётавага мястэчка...
Заўтра... ўвечары... я панясу ТУДЫ кветкі.
Таму што нельга забывацца на такія рэчы.
Нельга.
Жыве Беларусь!

... І толькі ўчора, калі я праходзіла паўз Нацыяналку, да мяне дайшло, што Скарына Піцерскі побач з ёю кажа Беларусі "ПРЕВЕД!"

 Сёньня даведалася пра свае планы на 25 сакавіка: пайду сьвяткаваць дзень Волі з КХП БНФ, а 12 ускладаць кветкі ля помніка Максіму Багдановічу (насупраць Опэрнага Тэатра).
    Што там далей - паглядзім. Гледзячы на настрой асноўнай часткі - тых, хто пойдзе "прарывацца" на Плошчу. Не выключана, што далучуся.
Я б таксама "папрарывалася". Толькі ад маіх 1,58 м карычьці там усё роўна ніакай не будзе, хіба што затопчуць ;)
Ўсіх сваіх сяброў, што прыедуць з іншых гарадоў, вазьму з сабой. Таму што ідэя сапраўды добрая, а там, унізе, ля цырка, зноў будуць непатрэбныя прамовы і амбіцыі - а на іх я ўжо наглядзелася ў тым годзе.
 ...Сталею?

 19 сакавіка я, як і  планавала, была на Плошчы. Як на халеру, за гадзіну да гэтага высвятлілася, што а палове дзевятай прыйдзе адмін рамантаваць сетку, і акрамя мяне ніхто ў гэты час дома не будзе, а інэт патрэбны... Таму я, мацюкаючыся, згадзілася прыехаць каля 20-40 дамоў...
 Дык вось: мае уражаньні на здзіўленьне адназначныя былі на гэты раз: СТРАШНА.

 Мабыць, гэта неяк было звязана з папярэднімі размовамі з некаторымі "сумняваючыміся", маўляў, ўсё лагічна: сёньня будзе вялікі хапун, каб паменьшыць лік "актыўных" напярэдадні 25. Плюс - да мяне ўранку падыйшла наша метадыст, і "узрадавала" мяне, што я адсутнічала на ўсіх дэканацкіх праверках, каб я абавязкова прынесла даведкі, якія ў мяне ёсьць. (а яны ў мяне ёсьць?). Плюс, як нам паведамілі, з панядзелка пачынаецца вялікая праверка ўсея фізфака (менавіта зараз! менавіта нашага фака!), а я ўранку ўжо паспела паспяхова праспаць дзьве пары і рэктарацкую праверку... Але такі вялікі страх апанаваў мяне ўпершыню...
 Развіртуаліліся нарэшце з

malenki_anel

, бачыліся з

tumash

,

sol21

, вакол мільгацелі знаёмыя твары :)))
 Але атмасфера - канткрэтна для мяне  - была проста жудаснай. На Плошчы было СТОЛЬКІ гэбья!!! Шчыра кажучы, столькі я бачыла толькі на 25, дык то быў дзень, ды й нас было ў некалькі разоў болей... А тут... Цёмна, на 10 гэбэшнікаў - 1 чалавек нармальны, і толькі прыблізна ў 19-45 разгарнулі апаратуру карэспандэнты, і каля іх пачалі гуртавацца людзі. Ў апагей дзеяньня, было каля 500 чалавек, але людзей хутка меньшала. Прыйшлі Калякін з Лябедзькай, я адразу збочыла: я не за німі сюды прыйшла. Заміргалі ўспышкі, нехта пачаў прамову пра Казуліна... На гэтым, ці то нэрвы здалі, ці што... Я забрала

sol21

, які толькі прыйшоў, і яшчэ на гэта на ўсё не наглядзеўся, і пацягнула ў бок цырка... Па дарозе калаціла...

Я сёньня ўвечары буду на Плошчы.
Мне фіялетава, хто там сёньня "арганізатар" - я пайду сама ад сябе.
Проста хочацца вярнуцца.
Я сёньня ўвечары буду на Плошчы

...А вы?

Ну вось, зіма скончылася, а гэтая фотка - якраз з пачатку зімы :)
... так яна пачыналася ;)

 ... Сёньня Менск выглядаў бездапаможным і кволым.

 Ўчора быў доўгі дзень :)
Я нарэшце была ў касьцёле, вось толькі пакуль ні з кім там не размаўляла: проста сядзела і думала. Напэўна, доўга сядзела, таму што, калі выйшла, заўважыла, што ўжо сутонее :)
 Праязжала праз Плошчу на 100 аўт... Мля. Залілі лёда па самое не балуйся, а акурат на месцы намётавага мястэчка паставілі рознакаляровыя сьцяжкі!!!

... я злуюся.

 Фота: ад Кароля з Паўлінай