Chris

Абсерваторыя SOHO зафіксавала ўнікальную з'яву: камета сутыкнулася з Сонцам з цэлай серыяй моцных успышак на ім. Камету калісьці адкрыў беларускі астраном!

Гэта камета была адкрытая беларускім астраномам-аматарам з Барані (Аршанскі р-н) Сяргеем Шурпаковым, і належыць да сямейства камет Kreutz.

---

Калі мне было 13 год, мы цэлай невялічкай экспедыцыяй выправіліся з Гомеля ў Оршу, а адтуль - у маленькі горад Барань, а потым - яшчэ далей, у маленькую вёсачку, дзе мы жылі ў намётах ля яго лецішча: па начах - назіралі (тады акурат быў максімум Персеід), днём, калі прачыналіся, апрацоўвалі метэоры, наносілі на сетку, потым назіралі сонца, гулялі па лесе, потым цямнела - і мы зноў распачыналі назіранні... Гэта ён аднойчы ўдзень залез на самую высокую яліну, якая загароджвала нам нейкую туманнасць уначы, і абпіліў ёй макушку, а бабулькі з ваколіц былі ў шоку :))

Чытаць далей

У мяне тут пытанне жыцця і смерці: на якой мове пісаць магістэрку? Дазволілі па руску, было б няблага па-ангельску, але я не ўпэўнена, што асілю :( Там пад 100 старонак, а я трус-трус-трус. Гэта вам не з сябрамі трындзець, гэта навуковая мова!

Ну вось. Сёння на факультэце мне выдалі ключы ад майго shared кабінета, паставілі мне туды комп, арганізавалі працоўнае месца. Ад такога стаўлення адчуванні як мінімум новыя! Мой навучнік, загадчык кафедры оптыкі, файны чалавек: год 50, невысокага росту, ведае расейскую мову, носіць чаравікі, падобныя на мае, з круглымі насамі і прашытыя белымі ніткамі, юзае айфон і заўсёды пытаецца паразмаўляць са мной пра палітыку ў Беларусі, калі тэмы для размоў сканчаюцца. Сёння ён з паўгадзіны тлумачыў мне асабіста, як працаваць з матлабам. Дарэчы, дзякуй усім, хто адгукнуўся ў твітэры: інстал я ўжо знайшла, і 900 Мб кніжак таксама :) Апынулася ўсё досыць простым на першы позірк.

Чытаць далей

У мяне прынялі дакументы на фізфак Варшаўскага ўнівера. Таму да статуса "студэнт" мне засталося атрымаць студак :)

Сёння сустракалася з навучнікам, ён жа загадчык кафедры оптыкі. Ён сказаў, што фігова напісаную па-польску магістэрку яны не дапускаюць да абароны О_о. Прапануе лепш пісаць RUS/ENG, каб сканцэнтравацца на навуцы, а не на мове. Чытаць далей

Ну вось. Напэўна, гэта мой апошні візіт на фізфак на гэты год. Не вышэйшая адукацыя, а бясплатны атракцыён "падмані дзяржаву"! На гэты раз хадзіла да нам. дэкана, які валодае інфармацыяй па навучальных праграмах і працэсах.

Як мне падказалі ў адным з папярэдніх пастоў, я вырашыла паспрабаваць удачу ў апошні раз: аднавіцца на бюджэт, але не на педагога, а на інжынера на маёй жа кафедры. Нам. дэкана доўга думаў (і сказаў мне, што больш хітрых варыянтаў пазбегнуць размеркавання ён на фізфаку яшчэ не сустракаў ;)), але потым сказаў так: я, канешне, магу паступіць наноў на 3 курс на кваліфікацыю інжынер, і гэта будзе як дадатковая адукацыя, платная прыпіска да асноўнага дыплома па маёй кваліфікацыі "фізік-педагог", бо як толькі я абараняю на фізфаку дыплом, я аўтаматычна яго атрымліваю па гэтай самай кваліфікацыі (педагог), а не па платнай інжынернай, і, адпаведна, усё роўна паеду ў родны Гомель вучыць дзяцей чыстаму-светламу за 200 тыс. быраў.

Чытаць далей

Была ва ўніверы. Хадзіць мне без дыплома яшчэ мінімум год невядома колькі.

Міла пагутарылі з дэканам, потым ён прадыктаваў мне тэкст заявы на аднаўленне, а калі я пайшла за бланкам заявы да метадысткі, яна ў мяне здзіўлена спытала: "А ты хіба ня ведаеш, што ты ўсё роўна паедзеш па размеркаванні?". Ну, я пра сябе канешне шчыра кажучы да канца не магла паверыць, што мяне вось проста так адпусцяць без крыві і прабачаць мне 43 мільёны. Яна яшчэ пры мне патэлефанавала кудысці там, назвала маё прозвішча і ў выніку я маю вось што: я аблажалася двойчы падчас вучобы ва ўніверы.

Чытаць далей

Узгадалася універская хохма.

Жыў-быў кававы аўтамат на фізфаку БДУ... Ня еў памятыя банкноты, выплёўваў назад нават непамятыя - нармальны такі, капрызны кава-аўтамат...

Чытаць далей

Каб пераадолець праблему, трэба пачаць над ёй смяяцца!

Чытаць далей

Ведаеце, якое маё самае вялікае жаданьне зараз?

Пакіньце мяне ў спакоі! Дайце мне спакойна жыць сваім, а не навязаным жыццём!

Мне непатрэбна гэта хвалёная сацыяльная дзяржава з бясплатнай вышэйшай адукацыяй, якой тыкаюць на кожным кроку кожнаму!

Зараз была ва ўніверы. Раней я пісала, чым скончылася сама працэдура размеркавання. Потым, пасля гэтага, мне доўга названьвалі з дэканата, бо я не паставіла подпіс пад тым, што я пагаджаюся з размеркаваннем. Але ж я не пагаджаюся і не пагаджуся, адпаведна, падпісваць не збіраюся. А тут мне ў дэканаце заяўляюць:

Чытаць далей

У гэтым годзе я некалькі разоў сустракала занадта ўжо летне-цёплую вясну, і кожны раз - у іншым горадзе. А зараз на Беларусь навалілася - не пабаюся гэтага слова - лета, а за вакном нешта страшна непадобнае на цёплы і радасны сезон... Дажджыць цэлы дзень з перарывамі на вецер...

Чытаць далей