Chris

Вярнуліся ў Беларусь і заўважылі мноства налепак сіненькіх, эўразвязаўска-бел-чырвона-белай тэматыкі. Аффтар налепак!!! Забі сябе ап сьцяну!!! кг/ам, і г.д., ну, вы зразумелі... Эўрапэйскі марш - прыйшоў наш час, ці нешта такога кшталту, не_цытую... Але гэта, прабачце, поўная лажа. Які час прыйшоў? Чый час? Пры чым тут Эўропа?! Ні даты, ні часу, ні адрасу ў інтэрнэце... Што да чаго? Незразумела. МНЕ не зразумела, мне і маім сябрам. А што ВЫ зьбіраецеся данесьці да АСТАТНІХ, тых, хто АБСАЛЮТНА не ў тэме?! Я, блін, вельмі злую ад такіх "праяваў ініцыятывы", сэнс якіх зразумелы абмежаванай колькасьці людзей!!!

... Мдзя, такімі тэмпамі хутка будзем рабіць акцыі супраць нашай "апазіцыі", якая дзьвума клікамі мышкі ў Корэле адпрацоўвае гранты!...

Чым далей, тым яскравей у мяне думка аб тым, што ўсю гэтую псэўдаапазіцыю праплочвае не толькі Амэрыка з Эўразьвязам, але шчэ і Лукашэнка! Бо ГЭТАЯ апазіцыя робіць УСЁ, каб мы тапталіся на адным месцы ВЕЧНА. Гэта змова, усё куплены, дзе ж ты, дзе ж ты, дзядзька Зянон на белым кані?!

Калі Вы карыстаецеся касмэтыкай Беліта і яна Вам падабаецца, Вам яшчэ ў Эўропу ранавата...

І ніякія Эўрапэйскія маршы не дапамогуць!

У мяне пасьля іх кандыцыянэраў валасы, як вяхотка. А як хваляць! Купіла Фрукціс, ну гэты ваш "залаты дуэт". Нейкі я непатрыёт у касьметычнай сфэры, ну зусім!

Гэта і ёсьць месца пакараньня Кастуся Каліноўскага. Спадарства "каліноўцы"! Ваш сьвяты абавязак наведаць гэнае месца! Гэты крыж знаходзіцца ў Вільні насупраць былога (якое салодкае слова!) будынку КДБ, у ценю дрэваў, хто захоча, той знойдзе...
Гэты допіс у дадатак да вось гэтага

Усё ж я пабачу пасьлязаўтра Балтыйскае мора!!!!
Дасталі сяньня ўсіх абарыгенаў на вакзале, але даведаліся, як выехаць з горада на выезд у накірунку Клайпэды!!! Раздрукавалі стос мап, узброіліся інфармацыяй да зубоў :)) Трапілі пад халяўную раздачу напоя Burn - мне не хацелі даваць, бо "толькі з 18 год!" - ну йопонамаць! Мне і 40 год будуць дыскрымінаваць па выглядзе не на свой узрост ці як?!! ;) Паставілі сьвечкі і пакінулі бел-чырвона-белую апасачку на месцы казьні Кастуся Каліноўскага, а там доўга сідзелі, побач з гэтым крыжом, размаўлялі пра Беларусь, пра любую радзіму... Да сьлёз у вачох... Паставілі сьвечкі ахвярам рэпрэсій побач з былым будынкам КДБ... Гулялі да стомы, да зьнямогі... Але гэта быў выдатны вечар, магічны вечар...)

Сёньня з сябрамі невялічкай кампаніяй выбраліся паглядзець Вільню пасьля расповеда Сяржука Вітушкі пра гэты горад. Ён стаяў у вытоках беларускага Адраджэньня 80-х гг, мы таксама пачулі шмат чаго цікавага і пра Беларусь, і пра сваю дзейнасьць і пра дзейнасьць сваіх паплечнікаў. Гэта выбітны чалавек: ён стаяў у вытоках заснаваньня беларускай суполкі "Талака", вельмі захаплёны сваёй працай чалавек, ён быў захаплёны да такой ступені, што моцна запусьціў здароў'е і зараз ён фактычна сьляпы, але горад ведае выдатна, ён мусіў праводзіць для нас экскурсію (!), проста было кепскае надвор'е, нажаль. Затое мы ўсё занатавалі, і зараз ведаем, куды варта схадзіць і на што паглядзець.

Падчас шпацыру раптоўна трапілі ў касьцёл, дзе вялася малебна польскіх пратэстантаў, паслухалі сьпевы пад гітару, зарадзіліся пазітывам, трапілі на пачатак нейкага рок-канцэрту, прайшліся па горадзе, і чамусьці вельмі многа размаўлялі пра палітыку... Пра "прадоўбаны" момант 19 сакавіка 2006, пра новыя думкі, пра новыя планы, спрачаліся, распрацоўвалі новую тактыку, новыя меркаваньні па розных пазіцыях, што тычыцца стану Беларусі... Вельмі шмат карыснага было сказана, працягнулі размову ўжо "дома"... Пра палітыку НЕАБХОДНА размаўляць, і тыя, хто кажуць: "Давайце не будзем пра палітыку" у паўсядзённым жыцьці - яны проста баяцца шукаць выйсьце... І пераўтвараюцца ў пасіўных людзей-расьлінаў, бо гэта - самае простае: зрабіць выгляд, што гэта НЕ ПРА ІХ. А МЫ АБАВЯЗКОВА ПАВІННЫ ВЫЙСЬЦЕ ЗНАЙСЬЦІ! І чым хутчэй - тым лепей...

Маё прозьвішча па-беларуску: мужественное, храброе, большое, хорошее.
Па-руску: мужественное, быстрое.

Я была па-руску Крис : шероховатое, быстрое, подвижное, короткое, угловатое.

А вось што зараз: Крысьцина  тихое, шероховатое, холодное, угловатое.

Результат компьютерного фоносемантического анализа слова Беларусь

Результат компьютерного фоносемантического анализа слова Лукашенко

Сьцягнута ў

polar_bird

(спадзяюся, што даруе, бо спадабалася ду-у-ужа!)

Беларускае грамадства:

Заўважыла ва ўніверы новую газэту, "Университет", калі не памыляюся... Я ажно зачыталася артыкулам пра сьцяг! Бо хутка ж сьвята нашай нацыянальнай сымболікі. Дык вось, там так расьпісана, ну проста цукрам па масьле, мне асабліва спадабаліся пункты пра колеры і пра стваральніка: не цытую, але сэнс той жа.

Чырвоны са старажытных часоў - "прыгожы", "прыбраны", "пачэсны", "ясны", "дарагі", "шчасьлівы"
Ахтунг: У ХІХ стагоддзі чырвонаму надаецца сэнс свабодалюбства, рэвалюцыйнасьці, барацьбы супраць прыгнятальнікаў (!!!)
Зялёны: навакольны сьвет і прырода, перамога жыцьця, веснавое абуджэньне прыроды пасьля доўгага веснавога сну, маладосьць, вера ў невычэрпную моц прыроды, надзея, энэргія.
Арнамэнт сымбалізуе ўзыход сонца (аказваецца!), сьцягнулі ў нейкай вясковай жанчыны з вышытага ручніка.
Белы сымбалізуе бязгрэшнасьць, чысьціню, надзею, прымірэньне, веру, адданасьць, мудрасьць, веды.

... Яго НАМАЛЯВАЎ нейкі мастак М.І. Гусеў 25 сьнежня 1951 г.

Вось раскажыце мне, спадарства, ці ёсьць у цывілізаваным сьвеце выпадкі, калі нацыянальны сьцяг дзеля нацыі МАЛЮЮЦЬ??!! Гэта значыць, сцяг - першаснае, а нацыя - другаснае, быў бы сьцяг - а народ дзеля яго знойдзецца, ці як гэта яшчэ разумець??!!! І што гэта за ганебныя тлумачэньні колераў сьцяга - як гараскоп, божа! Гэта ж не сьцяг! Гэта - КАЛЯРОВАЯ АНУЧА!!!

Ў ТЭМУ!

Гэта словы сапраўднай беларускі, Ларысы Геніюш.