Менавіта таму, што ён праехаў са мной не адзін дзесятак краінаў і адсняў для мяне не адну тысячу кадраў з самых розных куткоў планеты, гэта і трымае яго ў бадзёрым і цалкам здаровым стане - за ўсе годы разам, ён не даў ніводнай асечкі, ні разу не заглючыў і ні разу не падвёў у працы. Думаю, гэта пазітыўная сіла Зямлі энэргетыка планеты :)

Я б карысталася ім і далей, але прыйшоў час нам расстацца, бо пачуваюся я з ім як на трохколым ровары :) Душа патрабуе прафесійнай апаратуры, але гэты Canon даў мне вельмі шмат!

Так як конік ужо доўга юзаны (прабег больш за 50.000), прапаную яго ў камплекце з добрым аб'ектывам Sigma AF 18-200mm F3.5-6.3 DC (1, 2) - лёгкі і кампактны шырокавугольнік/тэлевік для падарожжаў (zoom x 11, 405 г), які аддаю за танна.

У камплекце да фоціка - штатыў Hama з чэхлом, зарадка, кабель, блэнда ад аб'ектыва, запішу на дыск усе неабходныя праграмы з ключамі, навучу апрацоўцы фотаздымкаў праз скайп.

Каго зацікавіла - пішыце на chris.gomel@gmail.com, кошт будзем абмяркоўваць індывідуальна.

Вось прыклад здымкаў, якія я зрабіла пры дапамозе названага фоціка + названага аб'ектыва + месцамі (начныя кадры) - пры дапамозе названага штатыву :)

Болей маіх фотаздымкаў тут.

Буду вельмі ўдзячная за распаўсюд абвесткі!

Іііііі.... цудоўныя чалавекі прывезлі мне з краю заморскага ВОСЬ ШТО. Рукі трасуцца ад шчасця. Ужо паўгадзіны з ім абдымаюся (халооодненькі!) і баюся першы раз запускаць :)))

• Жырыноўскі з Шушкевічам зараз на канале Расія 1. "Ці не сапсуе выбух адносіны Расіі і Беларусі" http://bit.ly/g0X72I
• Коктыш кажа, што калі зараз абвінавацяць у тэракце сілавікоў, то адбудзецца змена тых колаў, вінаватых ў разгоне Плошчы О_о

• Шушкевічу сказалі, што ён лузэр. Блін, ну ён жа старэнькі! У мяне ажно сэрца сціснулася((
• Жырыноўскі: "Мяжа Расіі - у Брэсце, вы - белы рускі, бландзін!"

• Блін, хоць Жырыноўскі і мудапляс, але палітык ён проста феерычны))
• Шушкевіч: "Лукашэнка буквар Папу Рымскаму падараваў, бо сам нядаўна яго прачытаў!"



• Ой, якая ж гэта феерыя) У мяне рук не хапае цытаваць)) "Сонца ўзыходзіць і заходзіць... А ў нас у Расіі і з гэтым праблемы!"
• Жырыноўскі: "Чэхі, славакі - у іх адно піва, больш толку з іх няма!"
• Жырыноўскі: "А Лукашэнка на мангольскім кане ў Мінску сідзіць... Жыве Беларусь!"
• За імі сакрэтна назіраў акадэмік Сахараў. "Выбух даказаў, што Беларусь увайшла ў пераходны перыяд"



• Скончылася)) Выціраю слёзы! У нас тут траўр, а яны такую клаўнаду зладзілі, матка боска!

Імхо, лепш бы запрасілі кагосці больш баявога, хто за словам у кішэню ня лезе, а так стварылі загадзя няроўны дуэль. Каляду б туды з Халезіным, уххх! :) Але ток-шоў было годным. Апошні раз я глядзела тэлебачанне пасля выбараў... Ад гэтай сумнай тэндэнцыі не хочацца больш яго глядзець увогуле ever.

UPD. Відэа (абнаўляецца)

UPD2: Ток-шоў цалкам:

Такая ж спустошанасць, як і падчас падзеяў падчас выбараў... Падчас мінулых нават было нейк лягчэй, можа гэта таму, што я не прапускала праз сябе ЎСЮ інфармацыю па тэме з інтэрнэта. А зараз зноў на мяне наваліўся адчай, прымагнічанасць да манітора, не магу вучыцца, манітору падзеі па 15 гадзін на суткі...

Не буду наводзіць тут глыбокі аналіз падзеяў, тошна ўжо ад аналітыкі і ад ўсяго гэтага цырка. Усю графіку, якую варта вам паказаць, я збіраю тут, а вось тут - нечаканае відэа ад звычайнага беларуса, такога, якія па вуліцах ходзяць... Глядзець цалкам.

НЯ ВЕРУ!

Ну, адзінае, прыўкраснае: падглядзела ў ЖЖ у Антона, як выглядае зараз Кастрычніцкая. Дык вось, вам не падаецца, што варонка ад выбуху не там, дзе ляжыць пласціна (навошта ляжыць?!), а там, дзе акуратна закладзена пліткай? Глядзі яшчэ да заўтра прыдадуць плітцы "аўтэнтычны" колер, каб незаўважна было...

НАВОШТА ўся гэтая хлусня, НАВОШТА ўсё гэта?! ... Я зараз перадаю тэраджоўлі энэргіі ўсім тым, каго закранула трагедыя, а яшчэ пытаюся падканэкціцца на канал прыёму да Таго, Хто Нас Бачыць і вымаліць у яго разбуральны ўдар першай вясенняй маланкі саміведаецекуды, дакладней, у каго... Прабачце, але проста ўжо няма сіл. Калі гэтаму грамадству насамрэч патрэбна кроў, каб падняцца, то вось яна, гэтая кроў, і давайце не будзем чакаць наступнай!!!

Што тычыцца ўражанняў пра само мерапрыемства, то гэта было да такой ступені no comments, што тут ужо або добра, або ніяк, бо не хочацца крыўдзіць арганізатараў, тым больш бачна было, як яны стараліся... Але так як мне хочацца, каб прэмія стала сапраўды класным мерапрыемствам, то я выкажуся.

Мерапрыемства ідэйна правільнае і задумка добрая, але:

• вядучым трэба ўсё ж даць перад пачаткам пачытаць праграму,
• артыстам (кэп Нэма, прыўет!) ня трэба было сігналізаваць пальчыкамі за кулісы, колькі песень яны збіраюцца прапець (ды і ўвогуле, іх і па адной песні вытрымаць было немагчыма, а іх выпусцілі ажно на дзьве!),
• тэх-персонам трэба было перад мерапрыемствам усё ж праверыць, ці пацягне арганізатарскі лаптоп відэа фулл-хд без т-т-т-тарма-а-азоў вось такіх, што жах (а я між іншым бегала, як венік, каб гэтае відэа ў найлепшай версіі адправіць!).
• скажыце хоць два слова, ЗА ШТО прэмія, а тое нейкія рандомныя людзі і нейкія незразумелыя заслугі

І агульная заўвага: калі вы прэтэндуеце называцца прэстыжнай прэміяй, то, каб не атрымалася фармата мястэчковы "оскар", малю вас, выпускайце на сцэну вядучых з ЖЫВЫМ гумарам, а не фармата "абы ляпнуць". Прызёрам задавайце пытанні нармальныя, а не "Скажіте что-нібудь!". Правільна Матолька адказаў: "Што нібудь!". У гэтым дыялогу адбіваецца ўся сутнасць цырымоніі YMA, нажаль. Вы ж журналісы ў рэшце рэшт! Ваша прафесія пытанні задаваць! :) І дзевачку вядучую апраніце ў нешта пацяплей, бо з піджаком вядучага на плячах яна глядзелася як "пацан малыхе даў курткана паганяць" :D

А без усяго гэтага прэмія выглядала кшталту: вядучыя пафэйлілі, паклікалі "селебрыцяў" абвяшчаць пераможцаў, тыя выйшлі - ні слова, ні паўслова, адразу за капэрт, нібы той з самаўзгараннем! - адчынілі капэрт, зачыталі, пераможца выбег, паціснулі рукі, аддалі статуэтку і дыплом - і да пабачэння. Толькі хіба пад канец ужо сталі пытанні задаваць. А ў першым "акце" нашыя "эстрадныя зоркі" мала таго што спявалі па 2 песні, дык іх вядучыя яшчэ спынялі пасля песень "патрындзець", прычым кожны раз *facepalm*, *facepalm*, *facepalm*, увы. Пра музыку я проста маўчу, таму што акрамя "хто ўсе гэтыя людзі" цэнзурных думак наконт нашых калгасных "зорак" няма. Ды і не пра іх зараз.

Але ўсё роўна: дзякуй усім за старанні, дзякуй журы за прыз! Хай у наступным годзе усе будуць пісаць пра YMA з захапленнем! ;)

Среди политзаключенных в ИВС Минского района - внучка Владислава Крапивина
На сайт Ангелов поступила информация: среди  белорусских политзаключенных в ИВС Минского района находится Надежда Крапивина – внучка известного детского писателя Владислава Крапивина.
Вы учили нас быть смелыми, Командор. Многие из нас - тех, кто был в Минске на Площади 19 декабря - прошли путь Корнелия Гласа - от жизни в теплой сытой норки - до защиты слабых и борьбы с Системой. Глиняные болваны... без совести, без сердца, без мозгов... мы и сейчас с ними сражаемся.
И ваша внучка тоже.
Как бы крепко не спали мы - нам подниматься первыми... 
«Мальчик со шпагой», «Голубятня на желтой поляне», «В ночь большого прилива», "Гуси-гуси, гагага", "Кораблики, или помоги мне в пути" - эти книги стоят у нас на полках.
Они как будто написаны про нашу страну. 
Мой друг Игорь Сечко, который был арестован на Площади 19 декабря и сейчас сидит в Жодинском СИЗО, - мечтал познакомиться с вами.
Я хочу пригласить вас в Минск. Приезжайте вместе с нами  встретить вашу внучку и много других  хороших людей на выходе из тюрьмы. Они выходят 29 декабря, вечером.  Их новогодние подарки, рождественские открытки и плюшевые медведи,  близкие люди, слезы  и бенгальские огни  будут ждать их на свободе.

А пад гэтым пастом – каментар самаго Крапівіна! Чалавека, чые кніжкі я ведаю амаль на памяць, на ягоных кніжках я вырасла ў такую, якая ёсць. Вельмі раю ўсім вам пачытаць хоць нешта з ягоных кніг, а добра было б “Гусі-гусі, гагага”, там акурат пра таталітарнае грамадства і пра тое, як супраць яго змагаліся дзеці!

Я горжусь вами...
krapivin
2010-12-25 04:35 pm (local) (спасылка)

Спасибо за предложение приехать в Минск. Только возраст и здоровье уже не те. В таком положении даже ближний Екатеринбург стал для меня далекой планетой. Но я всем сердцем с вами. И я горжусь вами. ДержИтесь, не сдавайте позиции.
Владислав Крапивин.

Дзякуй вам вялікі, спадар Уладзіслаў. У мяне зараз так светла на душы!

Перадрукоўваю тэкст брэстчанкі, якая прапаноўвае выключыць на 10 хвілін святло ў хаце, якраз у той момант, калі Лу будзе звяртацца да “свайго” народа з прамовай. Імхо, можа з гэтага атрымацца нешта прыгожае, асабліва ў спальных раёнах са шматпавярхоўкамі! Дзейнічаем!

“Акцыя, адзначае Ірына Лаўроўская, не патрабуе шмат высілкаў, не патрабуе выхаду на Плошчу — дастаткова адключыць электрычнасьць і выключыць тэлевізар. Сьвятло потым абавязкова вернецца ў Новым годзе:

«Я прапаную выключыць на гэтыя 10–15 хвілін, калі прамаўляе кіраўнік краіны, усё сьвятло. Паказаць такім чынам, што мы салідарны з тымі, хто быў зьбіты, зьнявечаны, прыніжаны. Паказаць, што мы разам. Я пераканана, што сьвятло да кожнага вернецца, бо мы разам».

Даволі актыўна гэтую акцыю падтрымала моладзь, кажа спадарыня Ірына. Нават прыдумалі і назву акцыі:

Але я пераканана, што сьвятло да кожнага вернецца, бо мы разам.

«Моладзь зь цікавасьцю аднеслася да гэтай акцыі. Падчас размовы нават прапанавалі назваць акцыю „цёмная для Лукашэнкі“. Гэтая назва вельмі добра пасуе да гэтай акцыі».

Акцыя павінна паказаць салідарнасьць беларускага грамадзтва:

«Вельмі важная падтрымка. Асабліва тым, хто зьбіты і знаходзіцца за кратамі. Мы галасавалі за сваіх кандыдатаў. А іншы кандыдат, які ня стаў яшчэ прэзыдэнтам, скалечыў і кінуў у вязьніцу. І нам важна ведаць, што мы разам».

Пра ўдзел у акцыі заявілі многія родныя затрыманых у Менску на Плошчы. Муж Паліны Панасюк быў арыштаваны ў Берасьці і асуджаны на пяць сутак паводле абвінавачаньня ў дробным хуліганстве, таму гэты момант і паслужыў ня толькі прыняцьцю рашэньня пра ўдзел у акцыі, але і распаўсюду інфармацыі пра акцыю, кажа Паліна:

«Я абавязкова вазьму ўдзел у акцыі. Акцыя сама па сабе не патрабуе практычна ніякіх высілкаў. Я перадаю інфармацыю і заахвочваю знаёмых далучацца».

Ірына Лаўроўская адзначае, што чула шмат і пэсымістычных водгукаў пра гэтую акцыю, якая нагадвае запальваньне сьвечак 16 чысла кожнага месяца. Але менавіта гэта, паводле яе слоў, павінна прадэманстраваць еднасьць.”

Адзіны момант, калі мне ўдалося глытнуць таго свабоднага паветра і пабываць сярод шчаслівых людзей на Плошчы - гэта калі мы з рэдактарамі вырваліся на гадзінку праехаць на машыне, зняць панараму Кастрычніцкай, аўтазакі за палацам рэспублікі, а таксама выйсці і прайсці кароткі шлях ад Кастрычніцкай да Незалежнасці па перакрытым людзьмі праспекце, пабачыць гэтыя дзесяткі тысяч людзей, зрабіць фота і відэа. Нажаль, самых шыкоўных фотак з відам на бяскрайні натоўп грамадзян, пабачыць не ўдасца, бо ў самы адказны момант я крутанула калёсіка рэжымаў на камеры і не паглядзела на прэўюшкі фотак - ужо ў офісе зразумела, што ўсе кадры атрымаліся чорнымі :( Затое гэты натоўп ёсць на відэа. Таксама на відэа ёсць разбіты аўтобус Някляева. Карацей, глядзіце самі. Жыве Беларусь. Веру, ганаруся, спачуваю, спадзяюся. Трымаемся разам!