Так. Я шчэ не вярнулася, але пакуль што мне падабаецца! :)
Пабылі ў Крыму 4 дні - досыць на першы раз %) Я імкнулася хутчэй загарэць, дык у выніку зараз уся чухаюся, бо згарэла. Твар як у Кругера з вуліцы Вязаў :) Зараз у мястэчку Бар, Вінніцкая вобласьць, тут даволі сімпатычна, калі не браць ва ўлік надвор'е: тут пахмурна, шэра, ліюць драбнюткія дажджы, адно радуе, што пакуль былі на Ліс'яй Бухце, я насілкавалася сонечнай энэргіяй надоўга, наплавалася ў сінім-сінім моры і пабачыла сапраўднае зорнае неба, бо яно там АААААХХХ!!!
Людзі! Кошты ў Крыму там - проста алярм! У пазатым годзе ўсё было роўна ўдвая таньней, можа гэта, канешне, супадзеньне, але... Мы за тыдзень падарожжа (2 сутак дарогі ў той бок і суткі назад+4 дні на месцы) спусьцілі на двох 100$ - гэта піпец, па-мойму :( Пры чым, не сказала б, што мы шыкавалі: гэта выключна на дарогу і на ежу.
Дарэчы, пра дарогу. Мы праехалі 1800 км у адзін бок і пакуль што 1000 у другі і патрацілі па 61 грыўне (13 $) на чалавека. Бо спынам 2 сутак ехаць было нерэальна, прыйшлося ехаць крыху на цягніках. І яшчэ! Я потым распавяду асобна пра Крымскую чыгунку, гэта асобная размова...
Каму цікава, на Лісцы зараз дужа мала народу, калі мы з'язжалі было па ўзьбярэжжы адсілы намётаў 40-50 на ўсю бухту. Плюс там зараз ВЕЛЬМІ багата турыстаў-матрасьнікаў. З'явіліся джыпы на прыгорках пад Ачкідагам - знайшлі-ткі горную сьцяжыну :( Вада - празрыстая, але пакуль прахалодная - максімум 20 градусаў. Уночы не пакупаешся. Але ўдзень пекла ўсё тое ж, толькі ратуюць аблокі і нават у першы дзень, калі мы прыехалі, пад вечар сабраўся дожджык.
Паглядзелі адным вокам Мікалаеў, Джанкой, Феадосію, Вінніцу. Вось як, аказваецца, Феадосія - гэта гэткі Лас-Вегас, бо негледзячы на маё стаўленьне на папсовыя курортныя мястэчкі, нават мне Феадосія спадабалася. А яшчэ спадабаўся Карадагскі запаведнік за Курортным, нарэшце, упершыню за 3 гады, я знайшла ў сабе сілы да яго дайсьці!
Ладна, не буду болей, потым працяг, і так ужо многабукаф ;)))