Афрыка [6]: У госці да Караля Льва!

Афрыка [6]: У госці да Караля Льва!

Дарога заняла дзве гадзіны ад Ёханэсбурга: Google Maps паказваў, што мы кіруемся да вялікага круглага зялёнага кавалка тэрыторыі на мапе Паўднёвай Афрыкі — нацыянальнага прыроднага парка Пілансберг, чацвёртага па велічыні ў краіне. Самы вялікі — парк Кругер — знаходзіцца ў 250 км ад Ёханэсбурга і, як нам адразу сказалі, тэрыторыя такая агромністая, што можна не толькі не пабачыць жывёлаў, але і не паспець праехаць ад краю да краю за абмежаваны час.

Morning Road

-- ВЯЛІКІ ФОТАРЭПАРТАЖ на Еўрарадыё --

AFRICA on FLICKR

Sunrise

Выехалі на світанні. Вось такія краявіды былі за вакном нашай машыны.

On the Road

Road & Flowers

Sun in the Wires

З'явіліся горы і характэрныя "мульцяшныя" дрэвы, уласцівыя джунглям.

Jungle

Каля ўезду ў парк мы заплацілі сімвалічныя грошы і паехалі на вялікім старым грузавічку, які, падавалася, дыхае на ладан, бо ехаў ён з вельмі дзіўным гукам: то заводзіўся, то спыняўся. Але не: гэта рабілася спецыяльна для таго, каб не пужаць жывёлаў. Як толькі бачылі кагосьці — кіроўца адразу глушыў рухавік. Наш гід быў з сапраўднай вінтоўкай: кажа, будзем спадзявацца, што леў блізка не падыдзе.

Ready for Safari ;)

Перад стартам мы ўсе распісаліся ў спецыяльным журнале: маўляў, калі вас з'есць леў, мы тут ні пры чым 🙂 Сказалі размаўляць вельмі ціха і пры набліжэнні да жывёлаў замаўкаць.

Спачатку мы пабачылі пару антылоп ля возера. Але ўжо праз пару хвілін мы заўважылі… сапраўднага слана! Далей усё падарожжа выглядала на нейкую гульню: хто першы разгледзіць жывёлу, хто разгледзіць увогуле, а яшчэ — хто прыгажэй здыме. Выйгравалі прызвычаеныя да небяспекі егіпцяне і тунісцы, а таксама тыя, у каго быў лепей зум!

Няма чаго каментаваць кожную жывёлу: глядзіце самі! Мы пабачылі антылопаў, якія тусаваліся цэлымі статкамі і паасобку, таксама жырафаў (нават так блізка, што маглі заўважыць, якія ў іх даўгія вейкі!), розных птушак, гіпапатамаў у вадзе, зебраў. Дарэчы, памятаеце Марці з "Мадагаскара" — як ён матляў хвосцікам туды-сюды, калі быў шчаслівы? Дык вось: зебры сапраўды так матляюць хвосцікамі! Гэта нерэальна міла!

Zebra

Giraffe

Safari

Boy

Rhinos & Zebra

Black and White!

Lonely Elephant

Не, гэта не тое, пра што вы падумалі! 🙂

No, that is not what you're thinking about! %)

Зебры, прыглядзіцеся, між дрэваў!

Green

Bird

Нам насамрэч пашанцавала: хітом паездкі стаў… леў! Ён адпачываў у ценю пад дрэвам. Мы былі на вялікай адлегласці, разам з намі спыніліся яшчэ машыны чатыры і ўсе гіды адно аднаму казалі: "Леў! Заўважаны леў!" — і давалі каардынаты. Сапраўдны квэст!

"... the LION sleeps tonight!"

Colors!

Giraffes

Happy One!

Ну і напрыканцы прымецілі цэлы статак сланоў! Яны прыйшлі пааблівацца вадой ды папіць: на двары было +30!

Elephants

Афрыка:

Афрыка [1]: Ёханэсбург
Афрыка [2]: «Толькі для белых!»
Афрыка [3]: Ва ўнівер… без іспытаў!
Афрыка [4]: Горад-гета для чорных — цэнтр паўстання … школьнікаў!
Афрыка [5]: Узгорак Канстытуцыі і турма Мандэлы
Афрыка [6]: У госці да Караля Льва!
Афрыка [7]: Кейптаўн — горад пад самым сінім небам!
Афрыка [8]: Касмічны ландшафт Кейптаўна і Сталовая гара
Афрыка [9]: Далей — толькі Антарктыда!
Афрыка [10]: А на салодкае — пінгвіны!

Total Views: 282 ,
  • Asia

    нерэальна крута! 

    • kryscina

      дзякуй, Ася 🙂